麥當勞41層巨型漢堡試食 小編有話說......

麥當勞新招大玩「Create Your Taste」自選漢堡包，讓客人「自己漢堡自己揀」，TOPick小編今次「有大食大」，點了一個足足41層的終極自選漢堡！

這個盛惠237港元的漢堡（單買，不跟餐）高約18cm、重約1kg，每樣配料只可最多叫3份，夾埋足41層。小編當然不會獨食，完成工作後，馬上打包巨型漢堡「人肉速遞」給其他小編們，一齊分享吧!

▲ TOPick 編輯攝

不過小編們有彈有讚，大家見到巨型漢堡都忍不住「O咀」，再加多句﹕「嘩」，廢話少講，一齊睇睇小編們的食後感。

小編1號: 3塊炭燒安格斯牛肉同時疊起，形成一陣苦味。再者芝士不夠溶化，煙肉好咸有焦味。但喜歡吃菠蘿，推介燒菠蘿。

小編2號: 成個包必食的莫過於菠蘿，酸酸甜甜幾醒胃，吃完還想encore。但牛肉略為乾身，唔夠juicy，芝士也沒有與牛肉融為一體，略為遜色，醬汁毫不突出。

小編3號: 漢堡包太高，望住好興奮，食落就好辛苦，每啖只是食到一部份，菜與肉要分開食，感覺太過油膩，但自己喜歡吃芝士，13層芝士塞落口感覺好興奮。

牛肉有點乾，無太多肉汁，失敗。菠蘿好食，煙肉香脆，值得一讚。牛油果醬+小辣椒配搭有新鮮感。但留意，薯條與普通麥記餐一樣。

小編4號: 辣味醬非常惹味，不能吃辣的人都可以嘗試。內裡的漢堡扒感覺有肉汁。墨西哥辣醬十分辣，配合蕃茄、紫洋蔥、生菜絕對精彩，既酸又辣，最後建議分層食會較好。

小編5號: 剛剛食完晏，同事端出巨型漢堡，由於「大鄉里」從未見過這樣大的漢堡，難免大叫一聲﹕「好似個頭咁大呀」，小編要用刀將每層分開6份，安格斯牛較乾身，肉汁欠奉，但喜歡炭燒味的朋友是不錯選擇。

如果大家都有試過麥當勞自選漢堡，哪款配料最正，歡迎分享。